Jowai: Hadien wa mih i thmu ka sorkar wow kyrriah ya ka yung krehkaam yong ka Community Rural Developmet Block na Saipung cha kawi ka thaw, neiliang ki paidbah ka Saipung Sardarship wa ki MDC ka thaiñ kyntu ki ya u Minister Incharge ka Community and Rural Development (C&RD) wa ka sorkar Meghalaya wym hoi u kyrriah ko ya ka Ophis ka C&RD na Saipung ka chnong wa em hapyrdi (Centre) yong ka ka thaiñ Saipung Sardarship waroh kawi.
Chooh chooh ha ka dorkhat cha u Minister Incharge ka C&RD ka sorkar jylla da ong wa ka thaiñ Saipung wa kiwa chong chnong yong ka man ki kiwa dang sahdien lada wyrchaw wa kiwi kiwi hapoh ka East Jaiñtia Hills District.
Da ong leh wa chwa wow pynmih ya ka Saipung C&RD Block da phiah ya ka na ka Khliehriat C&RD Block heiwa ka chnong Saipung man ko kawa em ha pyrdi bha. Haka dorkhat cha u Minister wa pait ya ka C&RD ka sorkar jylla da ong wa lada ka sorkar kyrriah ko ya kani ka yung krehkaam na Saipung cha kawi won ka thaw daw chem ki paidbah i eh i khoo wa ha rukom kam kiwa chong wa sah ha Nachangsal, Kaiengpur, Kaiengnala, Nichipur, Diruphai, Bombaithong wa kiwi kiwi.
Neiliang kiwa chong chnong ka Saipung Sardarship wa ki wa mihkhmat ka thaiñ kyntu ki ya u Minister Incharge ka C&RD wa ka sorkar jylla wa ym hoi u kyrriah ki ya kani ka yung krehkaam na ini i thaw neibynta i bha i miat ki paidbah waroh.
Discussion about this post