Jowai: Katkam wa da mih khubor haka 26 tatik uni u bnai, ki MDC yong ka BJP ha JHADC da chem ki wa u CEM yong ka JHADC u Thombor Shiwat da klam kulmar u wow pyrchang wow yahbakla ya kiwa kitkam ki wakreh ka JHADC kiwa em hapoh ka lama Jaiñtia Hills Autonomous District Council Staff Association ha i wan yachem yong ki ya oo haka 26 tarik hi ha kamra krehkaam yong oo hajrong i sahkut ka tulop nadooh u Naikhynde 20019 hadooh katni, deiwa ong wa wot ki MDC leh daw yakhih ki lada ym ye wow pyllait ya ka tulop yong ki.
Ki MDC ka BJP da ong ki wa hajrong ini, kam ki MDC kwah ki wow kylli wei wow tip wa ya kiyi u yakhih pyrchah hawa ya ka Council waroh kawi da pait wei pynlai hi da ki MDC. Ini waroh man ko kayi kayi kawa u CEM da klam kulmar pyn da oo ya oo hi kam uwa yahkhmat yaka Council, wei ha i yong sakhiat katkam i chem yong yong ki MDC da pynyoo ki wot ha ki kot khubor leh nadooh kini ki bnai wa da dep wa ka Council em poisa ko wow su tulop nalor iwa ka Council em ko ya ka Reserved Fund hadooh ka 28-02-2019 kawa man T. 2.70 klur, kamjooh leh ka poisa wa yoh pdiang du na i bynta ki kattu katni ki chnat kam ka bhah yong u mooyong nadooh ka 01-03-2019 hadooh 15-10-2019 kawa da poi T. 15 klur, lyngba ka Received Cell yong ka Finance Department nadooh ka 01-03-2019 hadooh ka 31–10–2019 kawa man T. 4.22 klur i yoh na i lum naka chnat Revenue lyngba ka Trading by Non–Tribal nadooh ka 01-03-2019 hadooh ka 31–03– 2019 kawa poi T. 0.78 klur.
Da kam leh wa u CEM ka JHADC u Thombor Shiwat wa katkam ka khubor wa da pynmih u ha ka 26-11-2019 wa ka Council da yoh pdiang ko ya ka poisa kam ka bhah yong ka naka sorkar jylla neibynta u mar pohkhyndaw kawa da poi kamwa T. 26 klur, kamtæ lada kheiñ du hadooh kini ki bnai kitæ nadooh ka 28-02-2019 hadooh ka 26-11-2019 da poi palat ya T. 48 klur, chooh choh wa ka bhah ka Council kawa ka jylla da pyllait hadooh T. 45 klur kamwa da pynsñiaw da u Chief Minister ha ka yalang ka Cabinet Minister kawa da man ha Jowai ha ka 4 tarik uni u bnai wei lada kheiñ lang ya i yoh lum poisa ka Council du ha kini ki bnai da poi ko palat ya ka T. 93 klur katæ nadooh ka 28-02- 2019 hadooh ka 26-11-2019.
Ki MDC ka BJPda ong ki wa ka EC toh u pynche ko hajrong kani wa i rukom pynemkaam ya kani ka poisa kawa ym em pynemkaam wow su tulop ya ki wakreh.
Da kylli leh wa kammon uni u CEM ka JHADC ong u wa chong ha i bor ka sorkar jylla hawa ka Council ka em ko i bor wa i bhah wa i kamram wot ya u CEM leh da jied da ki MDC ym toh de da ki MLA, tangwa uni u CEM ym sñiawthooh u ya i kamram yong oo kam u MDC wa u CEM, ym sñiawthooh u wot yei yumut yong i kyntien Autonomous Council, kopsar wa kheiñ u waka JHADC toh kawi na ki chnat yong ka jylla Meghalaya, kamtæ neibhah wa ym tip u ya i bor yong ka District Council toh u hiar chuki noh syndon.
Kani toh katkam ka khubor wa da phah da ki MDC ka BJP hapoh JHADC.
Discussion about this post