Pyrkhat ka President ka IOA wow e laad u pynman ya ka National Games ha Meghalaya

U Montri Rangbah ka jylla, u Conrad K. Sangma, ynne da pynman u ya ka yachemlang waka President ka Indian Olympic Association (IOA), ka P.T. Usha lyngba ka Video Conference deiwa emlang ki dkhot ka Meghalaya Olympic Association (MOA).

Neiliang u Conrad da khana u ya ka President ka IOA yei pynkhreh ka jylla wow pdiang yow pynman ya ka 39th National Games ha u 2027.

Da khana u wa ha kini ki soo snem wa da lai, ka jylla dadep ko wow chna chiboon ki thaw yalehke kam wow pynmiat pynbha ya ka JN Sports Complex ha Shillong, i chna ya ka Wahiajher Sports Complex, ka P.A. Sangma Integrated Sports Complex ha Tura wa kiwi kiwi.

Da khana u leh wa ka Shillong dang dep ko wow pynman ya ka North East Games ha u 2022, ka South Asian Games ha u 2016 wei ha ki le snem wa da lai da pynman ya ka Meghalaya Games man-u-snem.

Related posts

Tyrrah ka kari S-Presso ya ar tylli ka kari deilang ka yong u Adelbert Nongrum

July 6, 2025

Yap uwi u dkhot ka NSCN hadien i yasiat wa joor | Chem ya ki tiar yaleh wa boon

July 6, 2025

Neiliang u Commissioner ka Sports & Youth Affairs, u Dr. D. Vijay Kumar da pyntip u wa ka jylla dadep ko wow soi soskular waka IOA ha u 2018, kawa da ong wa ka Shillong daw man ko kam ka Host City deilang ka Tura waka Jowai ki wow man kam ki thaw yalehke ka National Games.

Ka President ka IOA da ong ko wa ka Association dang pyrkhat ko wow e laad ya ka Meghalaya wow pynman ya kani ka National Games.

Ha uni u snem daw pynman ka ha Uttarakhand wei ha u snem 2026 ym pynman ka neidaw wa daw em ka Asian Games.