Rah burom ka MBS&GF ya ka jylla ha ka National Gathering of the Scouts and Guides Fellowship

Jowai: Hadooh 14 ngut ki Senior Member yong ka Meghalaya Bharat Scouts and Guides Fellowship da uiñ ki cha Shillong deiwa rah burom ya ka jylla ha ka National Gathering of the Scouts and Guides Fellowship kawa da pynman ha Bodh Gaya, Patna nadooh ka 7 hadooh 9 tarik uni u bnai heiwa da wan chimbynta da ki 25 tylli ki jylla wa ka ri Nepal wa Malaysia kam kiwa chah khut sñiawbha.

Ka Scout and Guide Fellowship toh ka seiñ yong ki dkhot wa kynthup ya ki Adult Members, Senior Citizen ki Well-Wisher hajrong ka thong “To Support Young People”.

Ha kani ka yachemlang da em ki yakop kam ka (i) State Presentation (ii) Grand Camp Fire Item (iii) Fellowship Haat, heiwa ka MBS&GF da yoh ko yei naam “Best Performing State”.

Yei naam “Young Achiever” na ki 16 – 25 ngut, ka Shimtilang Kharbuli heiwa da yoh ko leh ya ka Award wa tip kam ka “SATISH KHANNA” Award, wa ka song poisa wa T. 25,000, wa kiwi kiwi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka Shimtilang toh ka Ranger, wa puræ ha Umshyrpi College wei da jooh yoh ko ya ka State Award ko kam ka “Rajya Puraskar Ranger”.

Ya ka MBS&GF da yahkhmat da u President yong ka u Dr. C. Varghese wa ka Dr. (Mrs) Enid Basaiawmoit kawa man leh kam ka General Secretary.