Ka yakob kynjatbol wa tip kam ka 1st 7-A-Side Veteran Football Tournament wa da pynman da ka Sports & Youth Affairs Committee yong ka Chilliangraij Dorbar Chnong, dapoi ko cha wakut ynne ka sngi hei wan sakhilang u Pastor M. Shylla kam u kongsan.
Ha ka yalang yahkhmat wa tbian yong kani ka yakob hei pynlai u Cheini Niangti, Asst. Waheh Chnong ka Chilliangraij da yoh i klam e mynsien ya kiwa chimbynta kiwa dapoi cha ka thong wow yaknieh yei naam jop ya kani ka Tournamnet wei kyrpang leh ya ki khon khynroo kiwa ka-it wa em sap hei yalehbol na u Pastor M. Shylla uwa da ong leh wa ha kani ka juk wa katni ka yalehbol daman ko kawi na ki laad kamai ja-kpoh kamtæ kyrsu kyntu u ya ki khon khynroo khyllood wow man kiwa tip u pynemkaam hok yei sap yong ki.
Hei pait i pynlai u Romanium Syngkon (National Referee), ka yaleh pyntawbuit pyntawbor pyntawsap kiwa chimbynta ha madan man ko kawa yoosuk wei yathaiñ bha, hanla kattæ leh hawa kut i por ki paidbah wa wa boon walang da yoh ki u sakhi wa ka 12 Dolloi wa da man ko ka liang wa kynsai yong kani ka yakob deiwa ye ko u pyrem ya ka Mynthong Legend da 3-1.
Ya ki 3 tylli ki kool neibynta ka 12 Dolloi da yoh u thap da u Mayalang Lanong wa u Poibiang Pohshna katwa neibynta won ka chi kool yong ka Mynthong Legend da yoh u thap da u Me U Ru Suchen.
Ka 12 Dolli kam ka Champion yong kani ka yakob da yoh ko u rah ya ka song poisa wa Rs. 35,000 ryngkat deilang ka Trophy katwa ka Mynthong Legend won kam kawa rem da yoh ko u rah ya ka song poisa wa Rs. 20,000 deilang ka Trophy.
U Pastor M. Shylla dei sbun mynsien da e yarap u leh Rs. 10,000 cha ka yarong yong ka Sports & Youth Affairs Committee Chilliangraij.
Discussion about this post