Ha ka yakob Jowai Miss Teenager of the Year 2022 wa pynman da ka Chutwakhu Social Welfare Local Dorbar Jowai hei janmiet ka 30-09-2022 wa da wan chimbynta da ki 12 ngut ki khyllood miat kynthai na ki chong waphær waphær ka jylla, ka Aishwariya Malang wa sah ha Khliehiongriang, Jowai da yoh rah ko yei naam jop, ka Emichwa Daka B. Ladia na ka chnong Mustem da rah ko yei nam 1st Runner-Up katwa ka Odarica Kamar War wa sah ha Chutwakhu Jowai da rah ko yei nam 2nd Runner Up.
Ya kini ki khyllood wada mih rynsan u yakob ha kani ka janmiet da bichaar da ki soo ngut wa kynthup ya u Dr. Khamjan Chyrmang, u Lee Middleton, ka Sokini Sutnga waka Tanvi Marak.
I rukom yakob da pynman ha ki 3 kylla, ha ka kylla wa nyngkong da pynman da ka Traditional Fusion Round, ka wa ar won toh ka Beauty Pageant the Classic Round katwa kawa le won da ka Evening Gown Round.
Neitæ napyrdi ki 12 ngut kiwa yoh u psiah haka Top 8 Contestant da chimbynta won ki haka jubab yei yukylli, katwa kiwa yoh u psiah Top 5 da chimbynta ki haka Common Question Round næ i jubab ya i jooh i yukylli deiwa thoh dep te puræ.
Hadien i bichaar da kiwa bichaar liang wa nang da yoo chong biang ki ya ka Aishwariya Malang u yoh ko yei naam jop Teenager of the Year 2022.
Chwa ini da em ka yalang tbian wada emlang u MLA ka Jowai u Wailadmiki Shylla, u MDC ka JHADC u Octomewot Lamin wa kiwi najrong ki waheh wasian ka chnong Chutwakhu kiwa da khana ya ka thong wa pynman ki kam kani ka jait yakob toh yow e laad ya waroh kiwa em sap ha kylleiñ ka jylla u wan chimbynta ki.
