Ka Final yong ka 7-A-Side Football Tournament wa da pynman da ka Dimonlang Cultural Social & Sports Club Mawlong da poi ko cha wakut ha ka 7 tarik uni u bnai kawa da pynman ha madan bol ka chnong Mawlong kawa em hajan Amlarem.
Ya kani ka Tournament da kyrchaan poisa da ka Yess! Meghalaya wei da wan wow sakhi ya kani ka sngi kam u kongsan da u MDC ka JHADC na War Central, u Holando Lamin wa u symbood kongsan, u Medling Swer wa kiwi de ki waheh wasian.
Ya ka yakhun Final da pynman hapyrdi ka Cheling Hynsu Kudeng Thymmai pyrchah ya ka Padu United heiwa ka Cheling Hynsu Kudeng Thymmai da jop ko da 2-0 da ki kool wa thap da u Nih Suting wa u Phang Sumer.
Yei naam Player of the Tournament da yoh da u Roney Lamin na ka Padu United, yei naam Best Goalkeeper da yoh da u Ben Surong na ka Cheling Hynsu Kudeng Thymmai katwa yei naam Top Scorer da yoh da u Fadycal Pohshna na ka Padu United wa u Phang Sumer na ka Cheling Hynsu Kudeng Thymmai kiwa da yoh u thap mar 4 kool.
Ka Cheling Hynsu Kudeng Thymmai da yoh ko yaka song poisa kawa Rs.35,000 ryngkat wa ka Trophy, ka Padu United wonda yoh ko Rs. 15,000 deilang waka Trophy.
Discussion about this post