Ka 2nd Division ka West Jaiñtia District Sports Association (WJDSA) kawa tip leh kam ka 6th Debo Shullai Memorial Trophy da poi ko cha wakut ynne da ka yakhun Final hapyrdi ka Chutwakhu waka Mooknor Thadmuthlong.
Ka Chutwakhu da yoh ko yei naam Champion da ka chi kool wa thap da u Luckyness Khyriem haka minit wa 9.
Ya kani ka Final da wan wow sakhi da u MLA ka South Shillong, u Sanbor Shullai uwa man leh kam u Chairman ka MTDC deiwa emlang u Dolloi ka Elaka Jowai, u Puramon Kynjing, ki dkhot ka WJDSA wa kiwa ha-yung u (L) Debo Shullai.
Yei naam Man of the Match da yoh da u Luckyness Khyriem naka Chutwakhu.
Neibynta waroh kawi ka 2nd Division, yei naam Best Goal Keeper da yoh u Lalmalsawma Tariang naka Chutwakhu, yei naam Top Scorer da yoh u Chanmitre Dkhar naka Lion Sports and Youth Affairs uwa da thap 6 kool katwa yei naam Player of the Tournament da yoh u Luckyness Khyriem naka Chutwakhu.
Discussion about this post