Ka Combined XI Wapung da yoh ko wow rah ya ka song poisa wa T. 2,50,000 ha Madan Kurkalang Bhoirymbong hadien wa pynrem ko ya ka Unison FC na Nongstoin ha ka yakhun Final ka Open To All Football Knockout Tournament lyngba ka yachut Tie Breaker.
Ka yalehke da man ko kawa yoosuk bha ha kani ka Final heiwa hadien wa da kut i por waroh ar tylli ki liang ym em u yoh ki u pynkhih ya ka jaar kamtæ neiliang u Referee da rai noh u wow pynman da ka yachut Tie Breaker heiwa da jop noh ka Combined XI Wapung.
Ha kani ka Final da wan sakhi da ki paidbah kiwa ym duna ya ka 4,000 ngut heiwa u Montri ka sorkar jylla uwa pait ya ka chnat Transport, u Dasakhiat Lamare da man u kam u kongsan, katwa u MDC ka Umroi, u Rangkynsai Kharbuki kam u symbood kongsan, chirup i emlang u Ngaitlang Dhar uwa jooh man kam u MLA warim ka Umroi Constituency, u Deputy CEM ka JHADC, u Lasky Rymbai wa kiwi de.
Ya i naam Best Player yong kani ka lympung da yoh da u Gladdy Kharbuli naka Shillong Lajong FC.
Kani ka lympung toh kawa da pynlai da ka Dorbar Chnong Lumdaitkhla.
