Jowai: Ka dhab tem na Meghalaya kawa tip kam ka Pontocrator da rah ko yei naam jop ha ka Rock Band Competition yong ka 5th North East Youth Festival kawa da pynman ha ka jylla Gangtok, Sikkim.
Kani ka Youth Festival da sdang ko nadooh ka 27 hadooh 31 tarik u Naichiphaw.
Ka Pontocrator toh ka dhab tem na Wahiajer, West Jaiñtia Hills wei da mihkhmat ko ya ka jylla Meghalaya ha kani ka 5th North East Youth Festival.
Ki dkhot yong ka dhab Pontrocrator kynthup ki ya uwa rwai u Enforce Lamin, uwa tem Guitar u Osbert Suting, uwa tem Keyboard u Manbhalang Marpna, uwa tem Bass u Lastbornstar Dhar wa uwa tem Drum u Lewellyne Suting.
Ha kani ka yakop da wan yachim bynta da ki dhab na waroh ki jylla ka thaiñ mihsngi ka ri India heiwa yei naam wa ar da yoh daka Assam, wa le ka Arunachal Pradesh.
Ha kani ka lympung da wan chimbynta hadooh kamwa 2100 ngut ki khynroo khyllood na kylleiñ ki jylla ka thaiñ mihsngi.
Discussion about this post