Ka lympung yalehke T20 Cricket yong ka East Jaiñtia District Cricket Association (EJDSA) da poi ko cha wakut ynne ka sngi da ka yakhun Final hapyrdi ka Dkhiah West wa ka Iongkaluh.
Ka Iongkaluh da jop ko yaka kylla-khlem heiwa da jied nyngkong ko wow Bat chwa deiwa kamai 119 Run deiwa dooh 6 Wicket heiwa u Glory Nongtdu da yoh u 42 Run na ki 30 bol wei da yoh u 1 Wicket na ki 4 Over.
Na ka 20 Over ka thong wow kdong ka Dkhiah West man ko 120 Run yeiwa da poi ko ha ka thong deiwa dooh 6 Wicket na ki 19 Over.
Uwa Bat ka Dkhiah West u Ebenezer Phawa da kamai u 52 Run heijooh i por da yoh rah u yei naam Man of the Match.
Ha kani ka sngi Final da waan saam ya ka Trophy da u Dr. P. Nongtdu kam u kongsan uwa man leh u Principal ka Jaiñtia Eastern College.
Kani toh katkam ka Wyrta na u Tournament Secretary u T. Phawa.
