Ka Dong Kharmuda FC da jop ko da 3-1 yaka Natbor Pyrdi Chnong FC haka Final yong ka 1st Inter Dong wa da pynlai da ka Borghat Social & Cultural Sport Club ha chnong Borghat ynne ka sngi.
Ha kani ka sngi da ya emlang u waheh chnong yong ka chnong Borghat wa u yong ka chnong Natbor kiwa da e leh yei sneiñ i kyntu ya kiwa yalehke ka chnong deiwa sakhi chongchit lang kiwa chong chnong nadooh ki tymmen ki khynroo chynrang wa kynthai hadooh ki khynnah.
Hawa kyruiñ cha ka yalehke, ka Dong Kharmuda FC ha ka kylla step da yoh ko u thap ar kool lyngba u Johnsmill Amkhloo haka minute wa 6 wa 9.
Ka Natbor Pyrdi Chnong FC da yoh ko wow su chi kool haka kylla miet lyngba u Ferous Chadong haka minit wa 45 tangwa ka Dong Kharmuda FC da yong biang ko u thap kool haka minit wa 65 lyngba u Banshanhi Rymbai.
Ha kani ka sngi da saam leh yei naam Top Scorer wa da yoh u Johnsmill Amkhloo uwa da thap 11 kool ha kani ka Inter Dong.
Yei naam Best Goalkeeper da yoh u Reding Suna katwa yei naam Best Player won da yoh da u Ferous Chadong.
Discussion about this post