Ka lympung yalehke yong ka “6th Umlyngsha Inter Dong Football Tournament 2021” kawa pynman da ka Umlyngsha Youth Society & Sports Club (UYSSC) da poi ko chawa kut ynne ka sngi heiwa ka yakhun Final da man ko hapyrdi ka Dong Main Road FC pyrchah ya ka Dong Loom Pyrdi FC heiwa ka Dong Loom Pyrdi FC da jop ko chi kool ya ka Dong Main Road FC lyngba ka kool kawa thap da u Da-o-hi-paia Rymbai ha ka minit wa 23.
Ka yalehke ynne sngi da man ko kawa ryngkat bor mar kylliang neibhah ha ka kylla step ka Dong Loom Pyrdi FC da yalehke bha ko wow pynyoosuk ya kiwa wan paitke katwa ha ka kylla miet ka Dong Main Road FC hadien wa da chah thap ko chi kool da yaleh bha ko wow su kylliang tangwa da sepai ki kabu wa yoh ko.
Kamtæ ya ki khusnaam yong kani ka Inter Dong da saam da u Eshrom Mynthlu, Secretary Elaka Lakadong cha ka Dong wa jop katwa ya ka khusnam yong ka Dong wa rem da saam da u Waheh Chnong ka Lakadong Umlatdoh, u Firmly Rymbai ryngkat i emlang u Maldini Amkhloo, Secretary Chnong Lakadong Umlatdoh, u H. Lamo, u Elwin Rymbai, u Mewell Syrti (Waheh Chnong warim ka Umlyngsha) wa kiwa kitkaam ka Club wa ka chnong.
Ya ka yalang ha kani ka sngi da pynlai da u Namphrangmi Talang, Waheh Chnong Umlyngsha.
