Khliehriat: Ka Dong Main Road RBBJ FC da rah ko yei naam wa jop hakani ka Sngi Choh-That wa dadep hadien wa jop ko pyrchah ya ka Dong Khadlynraw FC ha ka Final yong ka lympung yalehke kawa tip kam ka “Umlyngsha Football League 2018″.
Ya kani ka lympung da pynlai da ka Umlyngsha Youth Society & Sports Club (UYSSC) ha ka chnong Umlyngsha, East Jaiñtia Hills District.
Ha ka yalehke Final da man ko kawa yathaaiñ wei yabiang bor bha hawa waroh ar liang ha ka kylla step da kut ko khlem em wa thap.
Hawa pteiñ ya ka kylla miet kini ki ar Dong da yoh ki kattu katni ki kabu wow thap kool tangwa da man ko kawa sepai neibhah wa ym ye ki u thap kool neidaw wa ckheh kiwa yang kool na pynarliang.
Tangwa chwa wow poi chawa kut ka por yalehke ka Dong Mainroad RBBJ FC da yoh ko u thap kool lyngba ka bol wa chut u Nam Talang hadien wa tne ko na uwa yalehke ka Dong Khadlynraaw FC da psiah kool ko kawa tip leh kam ka own goal.
Katwa kamtæ ka Dong Main Road FC da jop ko ya kani ka lympung hadooh ar sien kattu.
Kamtæ ha kani ka sngi da wan saam ya ki Prize da u Tbn. K. Shylla hei emlang ki dkhot ka Chnong wa ki Dkhot yong ka Club.
Discussion about this post