Rah ka India ya ka Asia Cup deiwa pynrem ya ka Pakistan

Ka India da rah ko ya ka Asia Cup ynnin i miet deiwa pynrem ya ka Pakistan da san Wicket ha ka Final ha Dubai International Cricket Stadium.

Hawa kdong ya ka thong wa 147 Run, ka India da dooh Wicket ko smat ha ki 20 Over deiwa haap u Abhishek Sharma, u Suryakumar Yadav wa u Shubman Gill.

Kiwa Bat ka India, u Tilak Varma wa u Sanju Samson da neh ki deiwa yoh 57 Run chwa wow haap u Samson ha ka bol u Abrar Ahmed deiwa yoh 22 Run.

Neitæ mih u Shivam Dube wow Bat wa u Tilak wow yoh ki chirup 60 run na ki 40 bol, hadooh wa ka India emkaam ko 10 Run na ka chi Over hadooh wa haap u Dube.

Related posts

Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

March 17, 2026

District Cricket League: Jop ka Khliehtyrchi wa ka Goodwill Mupliang

March 14, 2026

Heitæ u Tilak da dat u da ka Six wei u Rinku Singh uwa mih hadien u Dube da dat u da ka Four wow pynjop ya ka India deiwa sah sa ar bol donhi.

U Tilak da neh u khlem Out deiwa yoh 69 run.

Chwa ini ka Pakistan da kynjoh ko 84 Run ha ki 10 Over khlem haap Wicket heiwa u Sahibzada Farhan da yoh u 50 Run na ki 35 bol tangwa nei pynhaap u Varun Chakaravarthy ya u Farhan, da sdang haap ki iwi pa iwi hadooh wa kut.