Ka 1st U-18 Sumer Knockout Football Tournament 2023 wa pynlai da ka Sumer Socio Culture Sports Education and Entertainment Development Society deiwa ya krehlang waka Ams Entrepreneur Multipurpose Cooperative Society Ltd, dapoi ko cha wakut ha ka 9 tarik ha madanbol ka Samasi deiwa emlang u Viceroy Nongtdu kam u kongsan.
Ha ka yalang chwa wow pynman ya ka yalehke da yoh yei klam na kiwa kitkaam ka Society kam na u President, u Begin LS Paslein, u Secretary u Amnesty Salahe wa u Asst. Secretary, u Fulmon Tangliang wei da pynbood leh yei klam na u Kynmo Chyrmang uwa man kam u waheh chnong ka Samasi.
Neiliang u Prakash Dkhar da e u yei sneiñ i kroo ya ki khon khynroo kiwa ya chimbynta ha kani ka lympung yow man ki kiwa kheiñkor ya ka yalehke neibhah man ko ka dawai bah wei kamjooh ka spah ya ki khon khynroo neibhah wa yarap ko u kamai ja kpoh.
Ka yakhun Final toh kawa da pynman hapyrdi ka Iongnga FC (Mynthning) pyrchah yaka Narwan & Ams United FC heiwa ka Iongnga FC (Mynthning) da jop ko da 2-0.
Discussion about this post