Ka Jalapang SC da jop ko ya ka Final haka Inter Dong Football Tournament ha Wahiajer deiwa pynrem ya ka Mainroad SC da 4-0 heiwa u Stephan Pale da thap u 3 tylli ki kool katwa kawi won da thap da u Oliver Pale.
Ya kani ka Final da wan pynhaap pyrda da u Jesse Suiam MDC ka Moodymmai Ummulong, heiwa da emlang u Waheh Chnong ka Wahiajer u Sanwotki Laloo, u Secretary u Andrew Sari, u K. Shylla uwa man u Waheh Chnong warim wa kiwi kiwi.
Ya ki Prize da saam da u L. Shylla uwa man u Assistant Waheh Chnong, kamjooh leh da yoh ya i klam e khublei na u Chairman chnong u Samson Lamare.
Ha kani ka lympung yalehke da wan chimbynta bynta da waroh ki dong kiwa em hapoh ka chnong Wahiajer ha kani ka Inter Dong Football Tournament wa da pynman da ka Wahiajer Sport Club.
