Ka 1st FKJGP Open to All T20 Maruti Ball Knock Out Cricket Tournament wa pynman da ka FKJGP West Jaiñtia Hills District ha madan Thad Nartiang da poi ko cha wakut ha ka 14 tarik uni u bnai.
Ha ka yalehke pynkut, ka Jerikyndeng da jop ko ya ka Team Rakesh Nartiang heiwa ka Team Rakesh hawa Bat nyngkong da yoh ko 119 Run deiwa dooh lut ki Wicket ha ka 17 Over katwa ka Jerikyndeng hawa kdong ya ka thong da yoh ko 123 Run deiwa dooh 3 Wicket ha ka 15 Over.
Kamtæ ka Jerikyndeng da jop ko ya ka Team Rakesh da 7 Wicket.
Ha kani ka sngi da em ka yalang wa tbian wa pynlai da u President ka FKJGP Jaiñtia Zone, u Tuesday Lytep heiwa u Sniawbhalang Dhar, Deputy CM da man u kam u kongsan wei u Dundee Cliff Khongsit, President Rangbah ka FKJGP kam u symbood kongsan.
Ya ki kyntien pdiang burom da yoh na u President ka FKJGP West Jaiñtia Hills, u Damian S War wei da yoh leh i klam na u Waheh Chnong ka Nartiang, u President ka JSU, u Jersom Shylla wei da emlang leh kiwi ki seiñbhalang.
Neiliang ka FKJGP West Jaiñtia e khublei ko ya waroh kiwa da wan chimbynta wei kyrpang ya ka Tournament Committee kawa da pynlai da u Bin Raliang kam u Chairman, u Nangkhraw Rani kam u Secretary neitæ u Wednesday Dkhar, u Phrangki Kyndait, u Marhok Marboh wa kiwi kiwi.
Discussion about this post