Jowai: Ka yalehke Final ka 2nd Division kawa tip leh kam ka 3rd Debo Shullai Memorial Trophy da pynman hapydi ka Khliehmyntang Ialong waka Evergreen Sports Club Mukhla Mission.
Ka yalehke man ko kawa yoosuk bha ha waroh ka kylla step wa ka kylla miet heiwa waroh arliang da yoh laad ki wow thap kool tangwa ym em wa ye u pynkylla ya ki kabu cha ki kool.
Kamtæ ka yalehke da poi ko cha ka Extra Time heiwa ha ka minit wa 80+9 u Sandeep Siangshai da pynjop u ya ka Khliehmyntang Ialong da chi kool.
Ha kani ka sngi da wan sakhi da u MLA ka South Shillong u Sanbor Shullai wa u MLA ka Jowai u Wailadmiki Shylla wei da emlang leh kiwa ha yung ha sem u (L) Debo Shullai.
Ha kani ka sngi da saam leh yei naam Player of the Tournament cha u Sandeep Siangshai yong ka Khliehmyntang Ialong, yei naam Best Goalkeeper da yoh u Amebakynsai Pale yong ka Khliehmyntang, Ialong, Man Of The Match da yoh u Jeremy Nongtdu yong ka Khliehmyntang Ialong katwa yei naam Top Scorer da yoh u Donald Litting uwa thap 5 kool uwa yalehke na ka Caroline Colony.
Ha chawa kani ka yakhun Final da pyndep chwa ya ka yalehke 3rd Division hapyrdi ka Pateinki Sabah pycrhah ya ka Chiruplang wei ka yalehke da kut ko mar ar kool.
Discussion about this post