Jowai: Haka yalehke 3rd Division wada pynlai daka West Jaintia District Sport Association, ynnin ka sngi da poi ko cha ka yakhun neibynta ka phainal hapyrdi ka Lumiawmuchai
Shangpung SC pyrshah iaka Lumpyrdi Mihmyntdu SC.
Hawa kyruiñ cha ka yalehke hapyrdi kini da yoh u yoo wa haka kylla step man ko kawa yoosuk u peit wei kawa iathaaiñ tangwa dei chalak ka nongyalheke ka Lumiawmuchai Shangpung da yoh ki u thap chwa ïa ka kol wa nyngkong ha ka minit wa 5 na u Misalan Niangti kawa neh hadooh wa kut ka kylla step.
Ka yalehke haka kylla miet leh man ko kamjooh kawa yathaiñ bha heiwa da pachat ki ïa ka bol chawah chanieñ yow yoh ïa ka naam wajop. Pynar kyhun da yoh ki boon ki laad u pynkhih ïa ka jaar tangwa ha ka kylla step ka Lumiawmuchai da ye biang ko u pyntam sa artylli ki kool ha ka minit wa 44 na u Nipon Suwer wa ha ka minit wa 57 na u Bantei Iakai.
Nei liang ka Lumpyrdi Mihmyntdu da yoh ko ïaka kabu ksiar u su kylliang deiwa wa yoh lad ko u chut phainalty haka minit wa 63 tangwa sepai ko neibah ka bol tyngkhooh ko ïa u deiñkol. Kamtæ ka Lumiawmuchai Shangpung SC da yoh ko u rah ïa ka naam jop da le kol la nod.
Ïaki khusnaam cha kiwa jop da saam da u ma R.Nongtdu SDO Electrical Khliehriat Division, deiwa emlang u General Secretary WJDSA u ma L. Laloo, ki dkhot ka WJDSA wa kiwi de kiwa chah khut snaiwbha.
Da saam leh yaki khusnaam ‘Top scorer’ cha u Bantei Iakai na ka Lumiawmuchai Shangpung SC wei da yoh leh yaka naam cha u Niponghi Sumer kam u ‘Best Man’.
U ma R. Nongtdu hei klam kam u kongsan da ong u haka yalehke emkaam ka i yakrehlang yow poi cha ka thong wajop hanla jan i rem leh ym hoi u ran dien tangwa toh u rai kut chooh chooh u yaleh. Da pynwan dur u ïa kani wa ka jingim bru deiwa ong boonsien hi haka jingim bru jooh rem i ha kiwa boon rukom hadooh ka puræ puthi tangwa ym hoi u dooh kyrmen i, ka lad u yakhun sa chisien dang em beit ko, kamtæ ym hoi u kynrandien i du ha chiteiñ por.
Discussion about this post