Ka Sargam Koushal na Jammu & Kashmir kawa da mihkhmat ya ka India da yoh ko yei naam Mrs World ha ka yakob miat kynthai wa da pynman ha Las Vegas, USA ha ka 18 tarik uni u bnai.
Ka Koushal da yaknieh ko ya ini i naam napyrdi ki 63 tylli kiwi yow pynyoh biang ka India ya ini i naam hadien 21 snem.
Ka Sargam Koushal toh kawa na Bahu Fort ka sorbah Jammu, Jammu & Kashmir wei toh ka khon u Chief Manager wa da chongngiah ka Bank of India, wei da pyndep ko ya i lai skur na Presentation Convent Senior Secondary School, Gandhi Nagar Jammu wa ka Graduation na Women’s College, Gandhi Nagar Jammu.
Hadien ini da pyndep ko ya ka Masters ha ka English Literature na Jammu University wa ka BEd na Government BEd College Jammu.
Da jooh sikai ko ha ka skur ha Vizag wei da bia ko ya u Aditya Manohar Sharma, uwa man u Lieutenant Commander ha ka Indian Navy, uwa kreh ha Mumbai.
