Rah ka Meghalaya yei naam jop ha ka Atheltics ka NEOG 2022

Ka Meghalaya da yoh naam bha ko ha ka Track and Field ynne deiwa yoh ko yei naam Overall Champions ha ka 2nd North East Olympic Games 2022 ha ki yakob Athletics.

Ka Meghalaya da toh ko 15 tylli ki takma ksiar, 9 tylli ki takma rupa wa 17 tylli ki takma tama na ki 41 tylli ki takma wa ye u yoh iwa man iwa boon dooh ha ka Track and Field ha kani ka lympung NEOG 2022. Kam wow kdaw heini ha ka 1st NEOG 2018 ha Manipur, ka Meghalaya da yoh ko kawi ka takma ksiar wei ynne da pynyoo sakhiat yei kreh chitom kiwa yalehke wa ki Coach chirup wa ka sorkar jylla, ka Meghalaya Atheltics Association wa kiwi de kiwa emkti. 

Ka Assam da yoh ko 12 tylli ki takma ksiar, 6 tylli ki takma rupa wa 2 tylli ki takma tama katwa ka Manipur won da poi ko hei wa le deiwa yoh 10 tylli ki ki takma ksiar, 14 tylli ki takma rupa wa 9 tylli ki takma tama. 

Ka Nagaland da yoh ko 9 tylli ki takma ksiar, 4 ki tylli ki takma rupa wa 10 tylli ki takma tama katwa ka Tripura won da yoh ko 2 tylli ki takma ksiar, 7 tylli ki takma rupa wa 7 tylli ki takma tama wei da pynbood won sa ka Arunachal Pradesh kawa da yoh 1 ka takma takma ha waroh ki kyrdan, katwa ka Sikkim da yoh ko 5 tylli ki takma rupa wa 1 takma tama katwa ka Miizoram da yoh ko kawi ka takma rupa. 

Ka Meghalaya deiwa yoh ya kini ki takma da duna ko 3 tylli ki takma ksiar yow yoh wa le hadien ka Arunachal Pradesh ha ka NEOG 2022 na kiwa yoh takma hadooh 08:30 ynne i miet. Ka Arunachal Pradesh da yoh ko 35 katwa ka Meghalaya 32 tylli. Katwa ka Assam da yoh nyngkong ko deiwa yoh 71 tylli hakhmat ka Manipur kawa da yoh 70 tylli ki takma ksiar.

Ya i naam Best Athlete Award yong kiwa palat 20 snem ki chynrang da yoh da u Neiketoulie Belho na Nagaland, uwa da jop ha ka 100m wa Long Jump Champion. 

Related posts

Psiah Final ka KNGHSS, NLHSS, St. Dominic, Govt Boys HSS wa Marian Hill HSS ha ka Subroto Cup ka West Jaiñtia Hills

June 12, 2025

Ki Result Semi wa Quarter Final ka Subroto Cup ka West Jaiñtia Hills

June 11, 2025

I Naam best Athlete kiwa palat 20 snem ki kynthai da yoh ka N Chaoba Devi ka Manipur, kawa yoh takma ksiar ha ka 800m wa 1500m. 

U Arupjyoti Gogoi na Assam hapoh ka 20 snem da yoh u yei naam Best Athlete; deiwa yoh ya ka takma ksiar ha ka 100m wa 200m katwa ka Niansai T na Nagaland won da yoh ko yei naam Best Athlete ha ka hapoh 20 snem ki kynthai hadien wa jop ko ya ka 800m wa 1500m.