Mawryngkneng: Ka Mission SC wa ka Thangshalai SC da man ki ki ar tylli ki liang wa yoh u rah ya i naam Champion yong ka First Division wa Second Division yong ka 10th Mawryngkneng Greater Football League 2018-19 wa pynman da ka Mawryngkneng Cultural & Sports Club ha ka Final kawa pynman haka 28 tarik uni u bnai ha madan Mawryngkneng Stadium.
Haka yalehke Final yong ka 1st Division, ka Mission SC da pynrem ko yaka Mawmang SC da 2-0 wei ya ki kool da thap da u Perry Kharsati ha ka minit ba 35 wa haka 52. U Perry da yoh u leh ya Man of the Match yong kani ka Final.
Ini i jop Final yong ka Mission SC toh ka sien kawa le wa yoh rah ki ya kani ka thong wei u snem kawa ka Mission da yoh ko wow ksoh yaka naam Champion toh ha u snem 2009-10 wa ha u 2010-11.
Da ini i jop, ka Mission da yoh rong ko yaka song poisa wa T. 40,000 katwa ka Mawmang kawa rem ha kani ka Final da yoh rah ko yaka song poisa kawa T. 20,000.
Ha kani ka Final, u District Sports Officer ka East Khasi Hills District u Daniel Dan da man u kam u kongsan ha kani ka sngi.
Ha kani ka Tournament neiliang ka MCSC da yoo biang ko wow jied ya kini ha wah wow yoh yei naam:
Best Goalkeeper– Reggie Nongbet (Mawmang SC)
Best Defender-Kit Kharsati (Mission SC)
Best Midfielder-Pynbha Suting (Mission SC)
Top Scorer- Iohborlang Mukhim (Pdengshnong SC) wa u Dibin Nongspung ( Nongdawah SC) kiwa yoh mar 8 kool.
Hawa pait won cha ka Final yong ka 2nd Division, ka Thangshalai SC da jop ko yaka Thad Nongtyrkhang SC na Nonghali lyngba ka Tie Breaker da 4-3 kool hadien wa kut ka yalehke da 0-0.
Da ini i jop, ka Thangshlai SC da ku kyrdan ko cha ka First Division yong ka aiom wow wan wei da yoh ko leh yaka song poisa T. 20,000 katwa ka Thad Nongtyrkhang won da yoh ko yaka song poisa wa T. 10,000 wei ka Thad Nongtyrkhang leh da ku ko cha ka First Division.
Kam wow pynkynmoo, ka Thangshalai toh ka liang kawa dang dep hiar cha ka 2nd Division ha ka aiom wa da dep katwa ka Thad Nongtyrkhang toh kawa dang wan chimbynta nyngkong ha kani ka Tournament.
Ha kani ka 2nd Division kiwa yalehke kiwa yoh u rah yei naam yong samen toh kamni ha wah:
Best Goalkeeper– Franky Warbah (Thad Nongtyrkhang SC)
Best Defender– Kitborlang Nongrum (Thangshalai SC)
Best Midfielder– Ripher Kharkongor (Thangshalai SC)
Top Scorer– Bickyson Kharkongor (Thangshalai ) wa u Wanlam Kharpran (Mawlyndep SC) kiwa yoh mar 4 kool samen.
Discussion about this post