Ki yalehke ka Super Division ka Saipung Block Sports Association (SBSA) wa pynman ha chnong Lamyrsiang, da poi ko cha ka Final ynnin ka sngi da ka yakhun hapyrdi ka Mulait United FC waka Latyrke SCSC.
Yei naam jop ha uni snem da lai cha ka Mulait United kawa da jop da 2-1 ya ka Latyrke SCSC.
Ya ka kool wa nyngkong ka Mulait da yoh deiwa thap bakla uwa yalehke ka Latyrke ha ka minit wa 25 wei da ban sa chi kool da u Bing Chyrmang ha ka minit wa 60 katwa ya ka Latyrke da thap kool da u K. Lalchhuansanga Khiangte ha ka minit wa 85.
Ya kani ka Final da wan leh wow sakhi da u Montri ka chnat Sport & Youth Affairs, u Banteidor Lyngdoh kam u kongsan wa u Richard Singh Lyngdoh, MDC ka Sutnga-Nongkhlieh.
Ha kani ka sngi da saam leh yei khusnaam Player of the Match cha u Dominic Sungoh na ka Mulait United.
Yei naam Top Scorer da yoh u K. Lalchhuansanga Khiangte na ka Latyrke SCSC.
Yei naam Goalkeeper of the Tournament da yoh u Kenio Lyngkhoi na ka Mulait United.
Yei naam Player of the Tournament da yoh u Romarius Laban na ka Mulait United.
Ka Mulait United kam kawa jop da yoh ko leh ya ka song-poisa kawa T. 30,000 katwa ka Latyrke SCSC da yoh ko T. 20,000.
