Jowai: Ka 6th Republic Day Cup Under-12 Football Tournament 2019 da poi ko cha wa kut da ka yalehke hapyrdi ka Demthring waka Mulang Ialong kawa pynman da ka WJDSA hei ya krehlang waka yung krehkaam u DC ka WJH.
Ka yalehke man ko kawa yoosuk wa kawa chong chit heiwa pyn-arliang man ki kiwa yatoh bor.
Ka Demthring da yoh ko u thap kool nyngkong ha ka minit wa 2 da ka kool na u Dukipaia Ryngkhlem tangwa ka Mulang Ialong da su kylliang ko ha ka minit wa 16 da ka kool u Promisewell Mulieh wei da kut ka kylla da kylla step da 1-1.
Ha ka kylla miet ha ka minit wa 39 ka Mulang Ialong da thap ko sa chi kool na u Kynsai-I War kawa da su kylliang biang da u Dukipaia kawa da pynman ya ka yalehke wow poi ko cha ka Extra Time heiwa hadooh wa kut i por ka yalehke da kut ko da 2-2.
Kamtæ ya kiwa jop da jied da ka yachut Tie-breaker heiwa ka Mulang Ialong da jop ko ya ka Demthring da 6-4.
Ha kani da e leh yei naam Top Scorer uwa yoh da u Newan-o Lamare uwa thap 8 tylli ki kool uwa yalehke ya ka Dulong.
Yei naam Best Goalkeeper da yoh u Henry Ford Ryngkhlem, yei naam Player of the Match da yoh u Dukipaia Ryngkhlem waroh ar kiwa yalehke ka Demthring.
Yei naam Player of the Tournament da yoh u Richanmi-o Lyngdoh uwa yalehke ka Chutwakhu.
Discussion about this post