Ka Independence Day Cup Under-17 Football Tournament 2023 wa pynman da ka West Jaiñtia District Sports Association (WJDSA) dapoi ko cha wa kut ynne da ka yakhun Final hapyrdi ka Mulang Ialong waka Dulong.
Ka Mulang Ialong mar ya sdang yoh wot ko u thap kool ha ka minit wa 5 lyngba u Samith Pale tangwa ka Dulong da su syndon ko ar kool ha ka minit wa 24 lyngba u Kynsaikupar Bareh wa u Yoobhalang Langstang haka minit wa 26.
Tangwa u Nidaroi Mulieh haka minit wa 64 da pyntam biang u ya ka Mulang Ialong yow pynjop da 3-2.
Ha kani ka sngi da saam leh yei naam Man of the Match wa yoh da u Nidaroi Mulieh naka Mulang Ialong.
Yei naam Best Goal Keeper kani ka lympung da lai ko cha u Seibor Rymbai naka Mulang Ialong, yei naam Top Scorer da yoh u Riphi O Shylla naka 7 Wasa FC uwa da yoh u thap 6 kool.
Yei naam Player of the Tournament da yoh u Nidaroi Mulieh naka Mulang Ialong.
Ha kani ka sngi da pynkup burom leh ya ki khynnah ka HK Singh Memorial School kiwa jop ya ka U-14 Subroto Cup hapoh ka jylla wa kiwa yalehke ka West Jaiñtia Hills kiwa rah yei naam jop kam ki Overall Champion haka Inter-School Athletic Meet-2023.
Discussion about this post