Rah ka Nandini Gupta yei naam Miss India 2023

Ka Nandini Gupta na Rajasthan da jop ko ya ka Femina Miss India 2023 ha ka yakob wa da pynman ha Manipur ynnin i miet, ka Shreya Poonja kawa mihkhmat ya ka Delhi da yoh ko yei kyrdan 1^st Runner Up katwa kawa mihkhmat ya ka Manipur, ka Thounaojam Strela Luwang da yoh ko yei kyrdan 2^nd Runner Up.

Kani toh ka sien wa 59 wa pynman ya ka Miss India wei da man ko leh ka sien wa nyngkong wa da pynman ha ka jylla ka thaaiñ North East heiwa ka jylla Manipur da pdiang ko ya kani ka lympung ha Khuman Lampak Sports Complex, Imphal.

Ka Nandini toh kawa dang 19 snem na i chnong Kota, Rajasthan wei kawa em ya ka Degree ha ka Business Management. Da ini i jop daw yoh ko wow mihkhmat ya ka India ha ka Miss World 2024.

Ka Thounaojam Strela Luwang toh kawa 21 snem i rta kawa chong chnong ka Uripok Bachaspati Leikai wei kawa ynru na ki phra ngut ki chi payu wei da sdang ko wow leh ya ki kaam Modelling nadooh 14 snem i rta.

Related posts

Pynlait ka Dong Iawpynsiñ ya ki Ticket Lucky Draw

November 15, 2024

Saam ka Ladthadlaboh ya ki Prize ka Lucky Draw wa kynthup ya ka kari wa 2 Tola i ksiar

November 14, 2024

Ha kani ka miet da yoh yei pynwyrngai na u Kartik Aaryan, ka Ananya Panday wei da pynlai ya ka yakob da u Manish Paul wa ka Bhumi Pednaker.

Kiwa bichaar ya ki 30 ngut kiwa da chimbynta toh u Rocky Star waka Namrata Josipura kiwa man kam ki Designer, ka Laishram Sarita Devi ka Boxer wa pawnaam ka Manipur, u Terence Lewis uwa man kam u Choreographer, u Harshavardhan Kulkarni uwa chna phlim waka Femina Miss India 2002 ka Neha Dhupia.