Ka North Garo Hills da yoh nyngkong ko ha ka State Level Chief Minister’s Inter School Athletic Meet 2022 kawa da pynkut ynnin ka sngi ha madan ka SAI wa em ha NEHU Campus Shillong.
Ka North Garo Hills da yoh nyngkong ko deiwa yoh 11 tylli ki takma ksiar, 6 tylli ki takma rupa wa 5 tylli ki takma tama ha ki le sngi wa pynman ya kani ka lympung kawa da sdang nadooh ka 31 tarik u Naisan heiwa ka East Khasi Hills da yoh wa ar ko katwa ka Ri Bhoi da yoh wa le ko.
Ka East Khasi Hills kat u dooh wot ko u yoh nyngkong deiwa yoh 10 tylli ki takma ksiar katwa ka Ri-Bhoi da yoh ko 8 tylli.
Ki khynnah kiwa da wan wow chimbynta da em ki 764 ngut na ki 12 tylli ki District ka Meghalaya.
Ka North Garo Hills da yoh ko leh yei naam Boys’ Champion deiwa yoh 8 tylli ki takma ksiar, 4 tylli ki takma rupa wa 3 tylli ki takma tama heiwa hei wa ar da yoh ka East Khasi Hills.
Ha ki kynthai won da yoh nyngkong ka West Khasi Hills kiwa yoh 5 tylli ki takma ksiar, kawi ka takma rupa wa kawi ka takma tama katwa yei wa ar da yoh ka Ri-Bhoi.
Kiwa jop won kam ki Best Athlete man ki kamni ha wah:
U-14 Girls – Rosy Sana (East Jaiñtia Hills)
U-14 Boys – Henry Yoga A Sangma (North Garo Hills)
U-16 Girls – Phibakmen Rynghang (Ri-Bhoi)
U-16 Boys – Anilson Ch Marak (South Garo Hills)
U-18 Girls – Ibaihun Kurbah (Eastern West Khasi Hills)
U-18 Boys – Donbok Shabong (East Khasi Hills)
