Ka District Level Inter School Subroto Mukherjee Cup Football Tournament 2023 ka West Jaiñtia Hills kawa da pynman da ka yung krehkaam u DSO dapoi ko cha wakut ynne da sngi da ki yakhun Final ka Under-14 Boys, Under-17 Boys wa Under-17 Girls heiwa da wan u M.A. Challam, ADC kam u kongsan deiwa emlang u DSO, u K. Passah, ki dkhot ka WJDSA, kiwa mihkhmat na ki skur wa kiwi kiwi.
Ya ka yakhun Final da sdang da ki yong ki Under-17 ki kynthai heiwa ka Kiang Nangbah HS School da yachem ko waka North Liberty HS School heiwa ka North Liberty da jop ko da 2-0.
Waroh ar ki kool da thap ha ka kylla miet heiwa da thap nyngkong da ka Eiladki Ksoo ha ka minit wa 30 waka Deigracia Dan haka minit wa 42.
Da pynbood da ka yalehke ki Under-14 Boys hapyrdi ka Lumpyrtuh Secondary School waka H.K. Singh Memorial Secondary heiwa ka H.K. Singh da jop ko da 1-0.
Ya ka H.K. Singh da pynjop da ka kool wa thap u Seibor Dkhar ha kylla miet ha ka minit wa 49.
Da pynkut da ka yaklehke ka Under-17 Boys hapyrdi ka Govt. Boys HS School waka North Liberty HS School heiwa ka North Liberty da jop ko da 3-0.
Ka North Liberty da thap ko pyn nawa sdang haka minit wa 4 lyngba u Sahame Lyngdoh kawa da neh neh hadooh wa kut ka kylla step heiwa ha ka kylla miet, u Lovingstar Suting ha thap u haka minit wa 48 wa u Micky Boy Swer da thap u haka minit wa 50.
