Jwai: Ka Panaliar Sport Club ynne ka sngi da iohrah ko iaka Independence Day Cup dei wa pynrem ko iaka Khliehiongriang 6-5 lyngba ka iachut tie-breaker haka ialehke phainal bol under-16 wa da pynman daka West Jaintia District Sport Association ha madan Kiang Nangbah Stadium Ladthalaboh Jwai.
Hawa khyruin cha i ialehke ha pyrdi kini ki ar kynhun da man sakhiat ko kawa yoosuk neibhah pynarliang man ki kiwa iatoh bor bha. Ha e ialehke iong ki da chynna wa pyn ar kynhun da iasai ki iei buid i sap iow ioh pynkhih nyngkong iaka jar. Kat u yoo haduh ka kylla step haduh ka kylla miet leh wym em wa ioh u pynkhih iaka jar.
Neiliang u referee da hap u wow e lad u iakhun ki sa 15 minute kam ka extra time, 7 minute chiliang. Katwa hawa kut kani ki 15 minites leh wym em ka kynhun wa ioh u thap kol naki bun ki kabu thap kol wa ioh ki.
Mynda kut ka extra time u referee hap noh u wow e lad won sa dei iachut phainalti. Haka phainalti leh na wa sdang i iachut da ia pynuin thap kol beit ki markylliang katwa haka iachut wa khatduh ka Panaliar da ioh ko u thap tam chi kol wei lyngba kani wot ka kol da iohrah nam jop ko deiwa pynrem 6-5 iaka Khliehiongriang Sport Club.
Ha kani ka sngi yei khusnam cha ki nongjop da sam da u Deputy Commissioner u Arunkumar Kembhavi, deilang waki sahep sorkar kam u D.M.Wallang Aditional Deputy Commissioner, u ma Paul Synnah EE (PHE) Electrical Division Jowai, u ma H.Shangpliang District Sport Officer wa kiwi.
Ha kani ka ialehkei da sam leh iaki khusnam cha u Riviseme Myrchiang u wa ioh yei nam Best Player naka Ladthalaboh Sport Club, katwa ia u Kevinson Bareh iong ka Panaliar Sport Club da ioh u yei nam Best Goalkeeper, u Soomiky Lakiang yong ka Panaliar da ioh u yei nam best top scorer.
Discussion about this post