Jowai: Ka dhab rwai tynre na Jowai kawa tip kam ka Rishot da yoh ko yei naam jop ha ka yakob rwai tynre hajrong ka ka phang HIV/AIDS kawa da pynman da ka Society for Urban and Rural Empowerment (SURE), Jaiñtia Hills ynne ka sngi ha pchem ka H.K. Singh School, Jowai.
Ya kani ka yakob rwai pyllah da kyrchaan poisa da ka Meghalaya AIDS Control Society (MACS) Shillong, wei da wan yachim bynta da kiwa boon ki dhab rwai sur tynre na ki chnong kiwa em hapoh ka West Jaiñtia hills District.
Kani ka yakop rwai tynre man ko kam chibynta wow pynche paidbah chaphang i kjut AIDS, da wan wow wai yaka da u Garod L.S.N. Dykes uwa man kam u Deputy Commissioner ka West Jaiñtia Hills District. Ha ka yakob rwai pyllah kawa ya khaaid bha, ka Rishot kawa na ka Dongmihsngi, Jowai da yoh ko ya i naam jop, yei naam wa ar da yoh da ka Chlem Hikai Sur Tynre yong ka Seiñ Raij Mukhla katwa yei naam wa le won da yoh da ka MUS kawa na ka chnong Mustem.
U Kamai War uwa da yoh ya ka khusnaam Tirot Singh Award yong ka Sorkar Meghalaya, da yaroh u ya kiwa wan chimbynta ha kani ka yakob wei da kyntu u ya ki wow pynbniah chooh chooh ya i sap yong ki yow ye ki u wanrah ya ka burom ka jaitbru.
Ya kani ka yakob rwai tynre da pynlai da u Habandajop Lyngdoh uwa man uwa kreh ka SURE.
Discussion about this post