Jowai: Ka 1st Invitation Tennis ball T-12 Knock Out Cricket Tournament 2017 wa pynman da Seiñ Khynroo ka Caroline Colony da poi ko cha wa kut ynnin ka 27 tarik heiwa ka yakhun Final da pynman ha pyrdi ka Rising Star pyrchah ya ka Nakasaki.
Ka Rising Star da bat nyngkong ko wei da kamai ko 122 Run deiwa haap 5 tylli ki Wicket. Kiwa kamai bha toh u Deibormi Rangad uwa yoh 38 Run wa u Jemi Laloo uwa yoh 33 Run katwa u Bowler ka Nakasaki u Jeffrey Litting won da yoh u 2 Wicket.
Ka Nakasaki hei kdong ko ya ka thong wow jop da ye ko u kamai du 59 run donhi deiwa dooh lut ko ya waroh ki Wicket yong ka. U Jeffery Litting da yoh u 24 Run katwa u Bowler ka Rising Star u Peter Lamare won da pynhap u ya 4 tylli ki Wicket.
Kamtæ ka Rising Star da jop ko da 64 Run. Yei naam Man of the Match da yoh u Peter Lamare katwa yei naam Man of the Series da yoh u Deibormi Rangad uwa yoh 58 Run wa 7 tylli ki Wicket.
Waroh da em 18 tylli ki dhab wa wan chimbynta ha kani ka Cricket Tournament wei da wan pynhiar pyrda ya ka da u Moonlight Pariat, MDC hei emlang u D.H. Pde Officer I/c Jowai Traffic Branch wa ki dkhot ka All Jaiñtia Cricket Association, ki dkhot ka DSO wa ki waheh yong ka chnong.
Discussion about this post