Ka U-13 Republic Day Cup 2023 wa pynman da ka West Jaiñtia Hills District Sports Association (WJDSA) kawa da sdang nadooh ka 7 tarik uni u bnai wa da wan chibynta 21 tylli ki liang nadooh ki chnong, ki dong wa ki Club ka West Jaiñtia Hills District dapoi ko cha wakut ynne ka sngi.
Ka Final wa da pynman toh hapyrdi ka Sabah Muswang waka Demthring heiwa ka Sabah Muswang da jop ko da ka yachut Tie-Breaker da 2-1 hadien wa ka yalehke da kut ko da 1-1 hadooh wa kut i por.
Waroh ar kool toh kiwa da thap ha ka kylla step heiwa da thap nyngkong ka Sabah Muswang ha ka minit wa 8 lyngba u Mar Oo P Shylla katwa ka Demthring da su kylliang ko ha ka minit wa 27 lyngba u Given Son Suting.
Yei naam Man of the Match da yoh da u Riskhemki Bang na ka Sabah Muswang, yei naam Top Scorer da yoh da u Given Son Suting uwa yoh u thap 11 kool na ka Demthring.
Yei naam Best Goal Keeper da yoh u Samkor Ryngkhlem na ka Demthring katwa yei naam Player of the Tournament da yoh u Given Son Suting na ka Demthring.
Ka Sabah Muswang kam kawa jop da yoh ko leh ya ka song poisa kawa T. 20,000 katwa ka Demthring da yoh ko T. 10,000.
Neiliang ka WJDSA ynne chwa u sdang ka yalehke da kynmoo warom ko ya u R. D. Syngkon uwa man kam u Referee ka seiñ uwa khlaad ini wa dep deiwa suki kiaw chi minit.
