Ka yakob miat kynthai wa tip kam ka Miss Loomkyntoor 2023 kawa da pynman kam chibynta ka Loomkyntoor Music Festival ha Loomkyntoor Resort ha ka 21 tarik, da wan 12 ngut ki kynthai khyllood wow chimbynta heithaw ki 14 ngut neidaw wa em ar ngut ki wym yoh u chimbynta na ki daw wym ye u kiar.
Ya kani ka yakob da pynman ha ki le kylla kitæ ka Traditional Fusion, Beach Wear waka Evening Gown/Formal Round.
Hadien kini ki le kylla, kiwa bichaar da yoo biang ki wow e ya ka pangsnget cha ka Salina Najiar kawa 21 snem i rta kawa na Loompyrdi Iongpiah, Jowai kawa dang lai puræ B.SC yow man ko kam kawa jop yei naam Miss Loomkyntoor 2023.
Yei naam 1st Runner Up da yoh ka Fortunate Mika Dkhar (17 snem) kawa na chnong Iongkaluh, East Jaiñtia Hills kawa dang lai puræ BA 1st Semester. Ka 2nd Runner Up da lai ko cha ka Jingieit U Ai Timung (20 snem) kawa na chnong Barato, West Jaiñtia Hills kawa em i yong ka hi i khih. Ka Rimika Shylla (22 snem) kawa na Nonshilliang, Nongthymmai, Shillong da yoh ko yei naam 3rd Runner Up wei ka toh kawa kreh Nurse. Ka Sandari Niangti (18 snem) won da yoh ko yei naam 4th Runner Up kawa na Loompyrdi Iongpiah, Jowai kawa dang lai puræ BA 1st Semester.
Da em leh ki naam Subtitles kam ka Miss Catwalk wa da yoh da ka Risaka Phawa, ka Miss Photogenic wa da lai cha ka Sandari Niangti katwa yei naam Miss Personality won da yoh ka Fortunate Mika Dkhar.
Kawa jop yei naam Miss Loomkyntoor da yoh ko yaka song poisa kawa Rs. 50,000, kawa yoh 1st Runner Up da yoh ko Rs. 30,000 katwa kawa yoh 2nd Runner Up da yoh ko Rs. 20,000.
Discussion about this post