Ka Shillong Cricket Association da rah ko yei naam Champion ka U-14 Inter District Tournament 2021 ka Meghalaya Cricket Association deiwa jop da 60 Run haka yakhun Final pyrchah yaka North Garo Hills District Cricket Association ha Nongpoh ynne ka sngi.
Ka NGH da jop ko yaka kylla khlem ha Ri-Bhoi Cricket Ground heiwa da phah Bat nyngkong yaka SCA. Ka 26 Run naka 26 bol da u Rudra Singh Rathore wa 23 Run da u Aditya Singh da pynyoh ko yaka SCA 121/5 na ki 20 Over. U Dakchakra R Marak da yoh u 1/16 na 4 Over.
U Marak daka Bat won da yoh u 37 Run hawa kdong yei thong, tangwa kiwa kawang bol ka SCA da khlan ware ki yaka NGH kawa ye u kamai 61/10 na ki 17 Over. U Gaurav Jyoti Thakuria da yoh u 4/6 katwa u Player-of-the-match u Ashish Kumar Lohar da yoh u 3/14.
U kongsan ha kani ka sngi toh u Sosthenes Sohtun MLA wa u BJ Kharshandi MCS. Kiwi de kiwa da chah khut sñiawbha toh u Nongkhrah Rangbah Shnong u Celestine Syngkli, u Convenor ka BCCI Task Force u Naba Bhattacharjee, u MCA Vice-President u Dipul Ryntathiang, u MCA Honorary Secretary u Gideon Kharkongor, MCA Treasurer u Dhrubajyoti Thakuria, MCA Tournament Committee Chairman u Armstrong Sangma, Ri-Bhoi District Cricket Association President u Rayonald Kharkamni, East Khasi Hills Cricket Association President u Dister Marbaniang wa kiwi ki dkhot waheh ki District Association.
Ha ya yalang saam khusnam, u Marak da yoh u yei naam Best Batsman, u Thakuria kam u Best Bowler wa uwa yalehke ka NGH u Tengrang D Marak kam u Best Wicketkeeper. Da e leh yaka khusnaam ya u Amit Kr Rai ka East Khasi Hills Cricket Association kam u Youngest Player ka Tournament wa u Adrian Rymbai ka Ri-Bhoi District Cricket Association kam u Most Promising Player.
