Ka Shillong Cricket Association da rah ko ya ka U-15 Inter District Tournament Trophy ka Meghalaya Cricket Association ha ka yakhun Final ha Nongkhrah, Nongpoh ynne ka sngi deiwa jop da 9 Wicket.
Da yachem ko waka Tura District Cricket Association kawa da jop ya ka kylla khlem wei da jied ko wow Bat nyngkong deiwa ye u kamai 121/7 na ki 20 Over, iwa da ye ka SCA u yoh ha ka 11.5 Over deiwa dooh chi Wicket donhi.
Na kiwa Bat ka TDCA da kamai boon dooh da u Captain u Harshit Prasad uwa da kamai 71 Not Out na ki 55 bol.
Ha iwi i por ka TDCA da yoh ko 34/4 tangwa u Prasad wa u Agatchu Chetai K Marak (14) toh kiwa da ye u poi palat 10 Run kiwa da kamai 54 Run neibynta ka Wicket wa san.
Ka SCA da pynemkaam ko 5 ngut kiwa kawang bol. U Aashish Kumar Lohar (2/12) toh du oo samen wa yoh ar Wicket katwa u Mewan Kitbok Kharpuri (1/20), u Angkit Tamang (1/23), u Md Wahid Ali (1/31) wa u Gaurav Jyoti Thakuria (1/33) da yoh ki mar chi Wicket.
Na kiwa Bat ka Shillong u Krishiv Choudhary da kamai u 25 wei da haap u ha u Darnel Bilkam M Sangma (1/29), u Man-of-the-match u Rudra Singh Rathore da yoh u 30 Not Out wa u Tamang 23 Not Out kiwa da pynjop deiwa sah sa 8.1 Over wa sang sah. Ka SCA da yoh yarap ko leh na ki 44 tylli ki Extra wa kynthup ya ka 37 tylli ki Wide da kiwa kawang bol ka Tura.
U Rathore toh u Top Scorer ka Tournament da 202 Run. U Tamang wa uwa kawang bol ka All Jaintia Cricket Association u Eshan Siangshai toh kiwa boon dooh kiwa yoh Wicket mar 11 tylli.
