Rah ka Sookini Sutnga yei naam Miss Hynniewtrep 2018

Jowai: Ka yakop miat kynthai kawa tip kam ka Miss Hynniewtrep 2018 wa pynman ha kani ka 17 tarik da rah ya i naam jop da ka Sookini Sutnga wa ar ka Dafiwakor Paya Suiam wa le da ka Lameca Passah.

Ha uni u snem da man ko ka sien wa ar wa pynman ya kani ka Miss Hynniewtrep da ka Bakur Social Welfare Sports Club ha chnong Bakur, Dawki.

Ha kani ka yakop da em 18 ngut ki khynthai wa wan chimbynta kiwa da wan na ki thaiñ War, Bhoi, Khasi wa na Jaiñtia.

Kani ka yakop da pynman ya ka ha ki soo kylla heiwa ha ka kylla ka nyngkong da tip kam ka Traditional Round, wa ar ka Sports Wear Round, wa leh ka Creativity Round wa soo won ka Evening Gown Round.

Nyngkong da jied chwa ya ki 10 ngut wei heini i por da em leh ka kylla wa hap jubab kiwa chimbynta ya ki phang kylli wa yoh ki.

Hadien ki 10 ngut da jied won sa 5 ngut heiwa kini ki 5 ngut won da haap jubab ki ya i wi i jooh wa kylli ya ki deiwa thoh yeiwa jubab wei da e por 2 minit wow leh ya ini.

Hadien ini da pynbna ya ki wa jop, heiwa kawa jop da yoh ko leh ya ka songpoisa wa T. 50,000 wa ar T. 25000 wa le T. 12500.

Related posts

Da ka song poisa wa Rs. 6 lak u pynkhle ka Dorbar Chnong Khimusniang ha ka Lucky Draw ka Fete 2026

August 18, 2026

Rs.1.80 lak u pynkhle ka St. Joseph Secondary School Mynsngat ha ka Lucky Draw | Daw em leh ka Housie

August 16, 2026

Kam wow pynkynmoo ka Sookini Sutnga dang dep jop ko ya i naam Miss Cherry Blossom 2017 wa pynman ha Shillong.

Also Read: Rah ka Sookini Sutnga ya i naam Miss Cherry Blossom 2017