Rah ka Stella Khongsngi yei naam Miss Meghalaya katwa ka Angelina Jackson yei naam Miss Teen Meghalaya

Ka yakob miat kynthai wa tip kam ka Miss Meghalaya waka Miss Teen Meghalaya 2023 kawa da pyndep ha ka 9 tarik uni u bnai, da jied ya kiwa jop kawa da pynman ha ka yalang wa phooh wa phieñ wa da pynman ha Soso Tham Auditorium, Shillong.

Na ki 19 ngut wa chibynta, ka Stella Khongsngi da yoh ko yei naam Miss Meghalaya 2023 kawa da pyndep yei puræ puthi Bachelor of Science (B.Sc) ha ka Subject Mathematics na St. Mary’s College, Shillong kawa da pynbiej ya kiwa bichaar dei proh jabieñ yong ka kamjooh ya ki paidbah deiwa jop ko leh yei naam Miss Personality deilang wa i naam Miss Catwalk kamjooh.

Yei naam Second Runner-Up da yoh ka Sanijaijai Khyriem, katwa yei naam First Runner Up da yoh ka Lamiker Dkhar.

Ka khyllood Angelina Jackson kawa 18 snem i rta da yoh ko yei nam Miss Teen Meghalaya 2023. Ka Angelina toh kawa lai puræ ha St. Mary’s Higher Secondary School, Shillong wei da da jop ko ya ki 18 ngut kiwi kiwa da wan wow yaknieh ya ini i naam.

Related posts

Da ka S-Presso, ka Hero X Pulse, i ksiar wa ka Latop u pynkhle ka Iapmala Presbyterian U.P. School

November 22, 2024

Da rah tarik ya ka sngi pynkhle ya ka Lucky Draw ka Ñiaw Wasa United Sports & Cultural Club

November 22, 2024

Ka Denice Kharkongor da yoh ko yei naam Second Runner Up katwa ka Gracie Nandy da yoh ko yei naam First Runner Up.

Ka Stella deiwa jop yei naam Miss Meghalaya da yoh ko leh ya ka song poisa kawa Rs. 1 lak katwa ka Angelina da yoh ko ya ka song poisa kawa Rs. 25,000.

Da saam leh ya ki khusnaam wa tip kam ki Subtitle ha ka Miss Teen wa da yoh da ka Genelia Dkhar kawa da yoh yei naam Miss Catwalk, ka Palei M Chyne da yoh ko yei naam Miss Talented. Ka Gracie Nandy da yoh ko yei naam Miss Personality katwa ka Denice Kharkongor da yoh ko yei naam Miss Photogenic.

Ha ka Miss Meghalaya da em leh ki naam yakob wa jop da ka Stella Khongsngi kawa jop yei naam Miss Catwalk waka Miss Personality. Ka Ibadonbok Shisha Marwein deiwa pynyoo yei sap yong ka wei da yoh ko yei naam Miss Talented. 

Ka Dipka Ghime da yoh ko yei naam Miss Warrior Princess katwa ka Labakeni Surong da yoh ko yei naam Miss Photogenic. Ka Sanijaijai Khyriem won da yoh ko yei naam Miss Fusion Queen katwa ka Rida Maia won da yoh ko yei naam Eco Queen wei ka Remika Dkhar da yoh ko yei naam Miss Congeniality.

Kiwa bichaar ya kani ka yakob toh ka Ilasara Kharkongor, u Charlee Lalthenmawia, ka Ketholeno Kense Vehienuo, u S. Marwein wa u James Owen Farreira.

Kiwa jop ya ka Miss Meghalaya 2023 waka Miss Teen 2023 dawa mihkhmat ki ya ka jylla ha ki yakob miat kynthai wa daw pynman ha ka thaaiñ North East kamjooh hapoh ka ri.