Ka Senior Football League wa pynman da ka Thadlaskein Sports Association (TSA) ynne da poi ko cha wakut da ka Final hapyrdi ka Tympang Club Wahiajer waka Takhniang SC wa pynman ha Khliehtyrshi.
Ka Takhniang SC da jop ko yaka Tympang Club Wahiajer deiwa yachut Tie-Breaker da 5-4 kool hadien wa kut ka yalehke da 0-0.
Yei naam Best Player da yoh da uwa yalehke ka Tympang Club Wahiajer, u Leapyear Mukhim katwa yei naam Top Scorer da yoh da uwa yalehke ka Takhniang SC, u Wailadmi Shadap uwa da thap 6 kool.
Ka Takhniang kam ka Champion da yoh ko leh ya ka song poisa kawa Rs. 30,000 katwa ka Tympang Club Wahiajer da yoh ko Rs. 20,000.
Ya kani ka Final da wan wow sakhi kam u kongsan, da u Wailadmiki Shylla, MLA ka Jowai Constituency, hei emlang u M.B. Rymbai, CEM warim ka JHADC, u Waheh Chnong ka Khliehtyrshi wa kiwi de ki bru waheh ka thaaiñ.
Discussion about this post