Ka Eastern West Khasi Hills District Level Inter-School Subroto Mukherjee Cup Football Tournament 2022 kawa da pynman da ka yung krehkaam ka District Sports Officer, West Khasi Hills District, Nongstoin kawa da sdang ha ka 23 tarik u Naiynru 2022 da kut noh ko ynne ka sngi ha Madan Dommawlum Pyndengumiong, Mairang.
Ha ka yalehke Final yong ki khynnah kynthai kiwa hapoh 14 snem, ka Tiehnongbah Government Upper Primary School da jop ko ya ka Mairang Presbyterian Higher Secondary School da 3-1 lyngba ka yachut Tie-Breaker, katwa ha ka Final yong ki khynnah chynrang kiwa hapoh 14 snem, ka Little Star English Medium Secondary School da pynrem ko ya ka Mairang Presbyterian Higher Secondary School da 2-0.
Ka Little Star English Medium Secondary School da jop ko leh ya ka Final yong ki khynnah chynrang kiwa hapoh 17 snem deiwa jop ya ka Mairang Presbyterian Higher Secondary School da 1-0.
Ya yalang pynhiar pyrda kani ka lympung yalehbol da wan sakhi da u Montri ka chnat Water Resources ka jylla uwa man leh u MLA ka Mawthadraishan, u H.B Nongsiej deiwa emlang u Additional Deputy Commissioner ka Eastern West Khasi Hills District, u A. Nongbri, ka District Sports Officer ka West Khasi Hills District, ka B. Syiem, ki Principal yong ki skur ka thaaiñ, kiwa yahkhmat chnong wa kiwi de.
