Ka Chilliangraij Sports & Games Committee ha ka 7 tarik uni u bnai da pynkut ko ya ka 13th Tiger Five Football Tournament hei sakhilang u EMH Passah, Working President WJDSA kam u kongsan hei emlang u DH Pde, Waheh Chnong, u C. Niangti, Symbood Waheh Chnong, u O. Shylla, General Secretary wa u Mayalang Lanong, Secretary Sports & Games, Dorbar Chnong Chilliangraij.
Ha kani ka yakob yong uni u snem da wan wow yachimbynta da ki 29 tylli ki liang wei da sdang ya ka nadooh ka 17 tarik u Khonchonglad (Nov) 2024.
Ki ar tylli ki liang kiwa dapoi cha ka thong wow yaknieh yei naam yong kani ka 13th Tiger Five Football Tournament 2024 toh ka Carpediem FC wa ka Turchaphrang FC.
Hei yaleh wa yathaiñ wei yoosuk bha kiwa chimbynta hei pynlai u National Referee, u Romanium Syngkon, ka Turchaphrang FC dajop ko da 3 kool katwa ka Carpediem FC yoh ko u su du 2 kool.
Ya ka Trophy deilang ka song poisa cha kawa jop wa kawa rem yong kani ka yakob da sam da u EMH Passah kam u kongsan deilang u waheh chnong katwa ya kiwa rah won yei naam Top Scorer wa Best Goalkeeper da saam da u Cheini Niangti, Symbood Waheh Chnong wa ka M. Pde, Secretary Women’s Committee, Dorbar Chnong Chilliangraij.
Discussion about this post