Jowai: Ynne ka sngi da pynkut ya Final hapyrdi ka Umladkhur SC pyrchah ya ka Monibha-i-bha Shkentalang yong ka Amlarem Football League (AFL) Super Division 2019 heiwa ka yakhun da man ko kawa yakhaaid bha.
Ha ka yakhun neiliang ka Monibha-i-bha da yoh ko u thap ya ka kool wa nyngkong ha ka minit wa 21 na u Tip Rasmut wei hadooh wa kut ka kylla step ka yalehke da neh ko 1-0.
Ha ka kylla miet won ka Umladkhur da yoh ko u su kylliang ya ka kool lyngba ka penalty hadien wa uwi uwa yalehke da pynthut u ya ka yalehke hapoh ka penalty area.
Ha ka Penalty da ye wow pynkhih ya ka jaar kool ka Umladkhur SC da u Dongmi Surong iwa da pynman ya ka yakhun wow man mar 1-1 wei kini ki kool da neh ki hawa kut ka yaleh.
Manda kut i por yaleh da rai wow pynman noh da ka Extra Time, heiwa manda kut i por leh ym em wa ye u pynkhih ya ka jaar kool iwa da pynbor ya u Referee wow pynman noh da ka yachut Tie-breaker.
Ha kani ka Tie-breaker ka Umladkhur da jop ko da 4-3 heiwa da rah ko yei naam jop ha kani ka Lympung wei daw mihkhmat ko leh ha ka lympung MSL.
Ka yalehke wa khroo-khmat ha kani ka lympung toh u Dongmi Surong kam u Top Scorer, u Man of the Match u Menri Buam, u Sambor Tariang kam u Best Goal Keeper.
Ya kini ki khusnaan da saam da u Lahkmen Rymbui uwa man u montri ka sorkar jylla chirup wa kiwa chah khut sñiawbha ha kani ka sngi.
Discussion about this post