Jowai: Ka yalehke Final ka 3rd Division South West Zone, haka chnong Bataw, kawa pynlai da ka East Jaiñtia Hills District Football Association (EJHDFA), da poi ko cha wa kut da ka yakhun Final kawa pynman hapyrdi ka Umlyngsha SC pyrchah yaka Lama YSC.
Ka yalehke man ko kawa yoosuk bha heiwa haka kylla step ka Lama YSC da yoh ko wow pynkhih nyngkong yaka jaar ka Umlynsha, tangwa haka kylla miet won, ka Umlyngsha da yoh ko wow pynuiñ yaka chi kool wei hadooh ka kut i por da neh mar chi kool chilliang.
Kamtæ ya kiwa jop da rai da ka yachut Tie-breaker, heiwa Umlyngsha da jop ko yaka Lama da 4-3.
Da ini i jop ka Umlyngsha SC da ku kyrdan ko cha ka 2nd Division haka aiom wa bood.
Kam wow pynkynmoo wa yaka 3rd Division ka EJHDFA da pynman ha ki 4 Zone da i thmu wa waroh ki chnong u yoh ki u chimbynta haka yalehke wei wow pyduna ya i lut i sep.
Ha kani ka sngi ya i naam Best Player da yoh rah da u Dreamson Suchiang yong ka Umlyngsha SC.
U kongsan ha kani ka sngi toh u B. Suchiang, Asst. waheh chnong ka Bataw.
Da emlang leh ha kani ka sngi ki rangbah naka EJHDFA nadooh u C. Tlang, General Secretary, u R. Biam Joint Secretary, u Shining Rymbai, Member, u Jenify Rupsi, Member, u Secretary chnong Bataw, ki waheh chnong yong waroh ar chnong kiwa poi Final, ki waheh wa sian kamjooh ki manbei yong ka thaaiñ.
Discussion about this post