Rah ka Wahiajer Narpuh SC yaka 3rd Division ka South East Zone ka EJHDFA

Jowai: Ka Final yong ka 3^rd Division South East Zone Lumshnong wa pynlai da ka EJHDFA, da pynman hapyrdi ka Wahiajer Narpuh SC waka Umstain YSSC. Ka yalehke man ko kawa ya thain bha tangwa hawa kut i jop da lai ko cha ka Wahiajer Narpuh SC da 1-0.

Da ini i jop, ka Wahiajer Narpuh SC da yohlaad ko wow booh ya i thaw haka 2nd Division ka EJHDFA haka aiom wa bood.

Ha kani ka sngi da wan pynhaap pyrda yaka Final da u Monlang Ladong, waheh chnong ka chnong Lumshnong, hei emlang u Working President ka EJHDFA, u J. Sutnga wa ki dkhot yong ka.

Ha kani ka sngi da wan sakhi ya kani ka yalehke da kiwa boon ki paidbah napoh ka Elaka Narpuh, khamtam ki waheh chnong wa ki khynroo ka thaaiñ.