Deiwa jop 25 tylli ki takma wa kynthup ya ka 9 tylli ki takam ksiar, 7 tylli ki takma rupa wa 9 tylli ki takma tama, ka Wapung Higher Secondary School da man ko kam ka Overall Champion Team ka East Jaiñtia Hills District Level Inter School Athletics Meet 2025 kawa dapoi cha wakut ynne ka sngi ha Teilang Playground, Dkhiah West, East Jaiñtia Hills District.
Ka Sham Sham Secondary School da jop ko yei naam Champion ha ka Under-14 Boys katwa ka Senraij Branch Upper Primary School, Mukhaialong da yoh ko yei naam Champions ka Under-14 Girls.
Ka Wapung Higher Secondary School da yoh ko yei naam Champion ka Under-16 Boys katwa ka Sham Sham Secondary School da yoh ko yei naam Champion ka Under-16 Girls.
Ha ka Under-18 Boys, ka Seinjait Tuber Higher Secondary School da yoh ko yei naam Champion katwa ha ka Under-18 Girls da yoh naam Champion ka San Shnong Secondary School.
Yei naam Best Athlete ha waroh ki rta neibynta ki chynrang da yoh u Kampher Dkhar na Sham Sham Secondary School.
Ka Useful Kyndait na Seinraj Branch Upper Primary School, Mukhaialong da yoh ko yei naam Best Female Athlete neibynta ka Under-14.
Ha ka Under-16, u Highbornson Muksor na Khliehriat Presbyterian Secondary School da yoh u yei naam Best Male Athlete katwa ka Naphishwa Dkhar na Seinjait Tuber Higher Secondary School da yoh ko yei naam Best Female Athlete.
U Ribait Bang na Seinjait Tuber Higher Secondary School da yoh u yei naam Best Male Athlete katwa ka Budka Bang na Seinjait Tuber Higher Secondary School hi da yoh ko yei naam Best Female Athlete ha ka Under-18.
Kini kiwa jop daw yoh ki wow mihkhmat ya ka East Jaiñtia Hills District ha ka State Level Inter School Athletics Meet kawa daw pynman ym slem de.
Discussion about this post