Ka West Jaiñtia Police Cricket Team da rah ko yei naam Champion yong ka lympung yalehke 2nd T20 Cricket Tournament 2024 wa da pynlai daka Ummulong Sport Social & Cultural Club wa pynman ha Mini Stadium Ummulong.
Ha ka yakhun Final, ka West Jaiñtia Police Cricket Team da yachem ko waka Eagle Squad Cricket Club heiwa da jop ko da 3 Wicket.
Ya ka kylla-khlem da jop da ka West Jaiñtia Police Cricket Team wei da jied ko wow bol nyngkong.
Ka Eagle Squad Cricket Club da kamai ko 149/10 na ki 20 Over heiwa u Anchu da kamai u 41 Run katwa u Vishal da kamai u 34 Run. U Kumar Seva yong ka West Jaiñtia Police da yoh u wow pynhaap 4 Wicket na ki 4 Over wa u Balram 2 Wicket na ki 4 Over.
Hawa kdong yaka thong, ka West Jaiñtia Police da jop ko du hapoh 14 Over heiwa uwa kamai Run boon dooh toh u Rohit Rai uwa da yoh 83 Run na ki 31 bol, u Kaushal da kamai u 30 Run na ki 12 bol katwa na kiwa kawang bol ka Eagle Squad, u Carefully Gassah wa u Anchu da yoh ki mar 2 Wicket.
Yei naam Man of the Match ha kani ka yalehke da yoh u Rohit Rai.
Discussion about this post