Ka Roshni Dada kawa na Arunachal Pradesh da jop ko yei naam MTV Supermodel of The Year Season 2 kawa da pynhaap pyrda ynnin ka sngi Bibar. Ka Roshni toh kawa 22 snem i rta kawa lai puræ B.Sc Nursing wei kawa nei chnong Jeju Dada, East Kameng District ka Arunachal Pradesh.
Najrong wa rah yei naam MTV Supermodel of The Year da yoh ko leh ya ka song poisa wa T. 5 lak. Hawa klam yei lai luti ko ha kani ka yakob, da ong ko wa da yoh ko wow tip chiboon iwa thymme wei iwa boon wa da hap ko u leh toh iwa thymme ya ka neibhah ym jooh em myllien ko wow man kam ka Professional Model nachwa wei da ka-it bha ko ya waroh iwa da maad ko ha ini por wa em ha kani ka yakob.
Ka Roshni toh kawa da dep jop leh yei naam Miss Arunachal Pradesh, da ong ko wa ym em poi pyrkhat ko wot wow chimbynta leh wei wow jop pathan da man kam chei yimphoo. “Heipor wa lai yaleh yow man kam kawa chibynta ym em yooluti O wow chah jied wei katni da jop toh i wym poi pyrkhat.”
Ha kani ka pynhaap pyrda da emlang u Milind Soman heiwa ka Roshni da ong ko wa iwa sah kynmoo wow u yachem wa oo.
Hawa klam chaphang ka mynried yong ka, da ong ko wa kmen ko wa da yoh ko u chim kabu ya kawon kawon ka laad wa wan wei kattæ daw hap chwa ko wow lai pyndep ya ka Hospital Training i wym ye u pyndep neidaw wa em ka khlam COVID-19 wei kattæ toh u snem wow pyndep yei puræ puthi ko, wei hadien itæ daw lai ko cha Mumbai yow pait iyi wa em neibynta ka mynried yong ka.
