Uwi u bru wa em 38 snem i rta da chah ujor u da ka Case hadien wa dih duma u hapoh i paikhana ka lieñsuiñ IndiGo kawa lai na Delhi cha Mumbai ha ka 26 tarik uni u bnai.
Kani ka lieñsuiñ toh kawa kit ya 176 ngut wei da mih ko na Delhi Airport heipor 5:15 i janmiet wei hadien kamwa 50 minit chwa wow hiar ha Mumbai Airport, uni u bru wa tip kam u Khalil Kajammul Khan uwa na Uttar Pradesh da lai u cha paikhana wow dih duma.
Kiwa kreh ha ka lieñsuiñ da tip ki yeini neidaw wa che ki Smoke Sensor hadien da thang u Khan ya u duma hapoh paikhana.
Manda pait kiwa kreh ya i paikhana da chem ya i chieh diñkot wa i lyngkhot duma wei da pyntip noh ki yeini cha u Pilot.
Manda takit ki oo, u Khan da phla u wa da dih duma u hapoh paikhana.
Hadien wa hiar ko ha Mumbai Airport neiliang ki pulit da kit noh ki ya u Khan cha Sahar Police Station.
Ya u Khan da pynngat ha ka kyndon Indian Penal Code wa Aircraft Rules.
Discussion about this post