Ka yung krehkaam u Deputy Commissioner, West Jaiñtia Hills District deiwa ya krehlang waka yung krehkaam u District Sports Officer, West Jaiñtia Hills District ynne da pynman ki yaka Republic Day Run 2024 neibynta ki chynrang wa kynthai (Open Category).
Ya kani ka Republic Day Run da kaweh lama da u DSO ka District u Khroobok Passah deiwa emlang ki dkhot ka WJDSA.
Ya kani ka Republic Day Run da sdang na Main Gate ka Kiang Nangbah Stadium (Starting point) neitæ da lai na Ladthadlaboh Main Road- Jowai Public School-Gate Polytechnic-Kchaaid Rymphum-Salaroh- Dulong Poh-Hali Road-Dulong-Pamhadem-Panaliar-Iongpiah-Mission Compound-H.K. Singh School-D.C. Office-New Hill-National Highway-Kiang Nangbah Indoor Stadium (Finishing Point).
Ha ka yakob yong ki chynrang da yoh nyngkong u Dabit Dkhar uwa da pyndep heipor wa 30 minit wa 24 second, hei wa ar da yoh u Teiboklang Biam uwa da pyndep heipor 30 minit wa 31 second katwa hei wa le da yoh u Dasaman Kyndait uwa da pyndep heipor wa 30 minit wa 59 second. Waroh kini ki le ngut toh kiwa na ka chnong Sabahmuswang.
Ha ki kynthai won, da yoh nyngkong ka Happiness Phawa kawa na Sabahmuswang kawa da poi cha ka thong deiwa pyndep heipor wa 40 minit wa 50 second, hei wa ar da yoh ka Monlangki Kyndait kawa na Mihmyntdu kawa da pyndep heipor wa 44 minit wa 32 second katwa hei wa le da yoh ka Heiniwanki Nongbah kawa na chnong Nongkynrih kawa da pyndep yei phet heipor wa 44 minit wa 50 second.
Waroh kiwa chimbynta da em ki 157 ngut ki chynrang wa kynthai.
Discussion about this post