Shillong : Ka lympung yakop tem yakop rwai pyllah wa tip kam ka Meghalaya Icon 6 da pyndep ya ka ynnin ka 8 tarik ha Madan Malki, Shillong heiwa ka The Lynx na Jowai leh da chim bynta ko.
Ha kani ka sngi na ki 9 tylli ki dhab na kylleiñ kylleiñ ka jylla Meghalaya da wan chimbynta ki heiwa ka The Lynx da yoh wa le ko hadien ka Symphonic Illusions wa yoh nyngkong wa ka Safe and Sound wa yoh wa ar.
Kiwa jop da yoh ki ya ka song poisa wa T. 1 lak, ki wa ar da yoh ki T. 30,000 wa ki wa yoh wa le won da yoh ki T. 20,000.
Ya kani ka Meghalaya Icon da pynman da ka Meghalaya AIDS Control Society (MACS) kam chibynta wow pynkynmoo ya ki paidbah ya i kjut wie wow man ki kiwa sñiawthooh chaphang i kjut HIV/AIDS.
Kani ym toh ka sien nynkong wa ka The Lynx da yoh khusnaam ki wei da yoh ki leh ya kiwa boon ki khusnaam kam kini ha wah :
1. Winner MPUF Battle Of Rock.
2. Runner Up Youth Fest Inter District Band Contest Shillong.
3. Finalist Tura Battle of the Band Beat Contest.
4. Top Six Finalist Rock O Phonix IIT Alcheringa, Guwahati.
5. Finalist Hornbill International Rock Contest Nagaland 2015.
6. Winner Nongkhnum Battle of the Band, Beach Festival.
Da chimbynta ki leh ha kiwa boon ki Music Festival kam ka Symphony 2012, Lathuthing Bands’ Get Together, Look of the Year, World Music Day, Point to the Future, Bob Marley Tribute wa kiwi kiwi.
Discussion about this post